उपकार लघुवित्तका संस्थापकले सेयर बेच्न पाउने मिति नजिकिंदै, लकइन अवधि कहिले सकिन्छ?

काठमाडौं। उपकार लघुवित्तको लकइन अवधि एक महिनापछि समाप्त हुने भएको छ।

लघुवित्तले कर्मचारी र संस्थापक सेयरधनीलाई वितरण गरेको ४ लाख २३ हजार २८१ कित्ता सेयरको लकइन अवधि २०८२ वैशाख ८ गते समाप्त हुने भएको हो।

संस्थापक सेयरधनीको ४ लाख २० हजार कित्ता र कर्मचारीका लागि बाँडफाँड गरिएको ३ हजार २८१ कित्ताको लकइन अवधि वैशाख ८ गते समाप्त हुने लघुवित्तले‍ जनाएको छ।

लकइन अवधि सकिएपछि सेयर कारोबारका लागि खुला हुनेछ। उपकारले २०७९ वैशाख ९ गते सर्वसाधारणलाई आइपीओ बाँडफाँड गरेको थियो।

आइपीओ बाँडफाँड गरेको तीन वर्षसम्म कर्मचारी र संस्थापकले लकइनका कारण सेयर खरिद बिक्री गर्न पाउँदैनन्।