वाणिज्य बैंकले ७ महिनामा कमाए ३६ अर्ब ६ करोड नाफा, कुन बैंकले कति ?

काठमाडौं। कमजोर व्यवसाय र बढ्‌दो खराब ऋणका कारण वाणिज्य बैंकहरुको औसत नाफा १.६२ प्रतिशतले बढेको छ।

संचालनमा रहेका २० वटा वाणिज्य बैंकहरुको माघ मसान्तसम्मको वित्तीय विवरणअनुसार नाफा १.६२ प्रतिशतले बढेको हो।

वाणिज्य बैंकहरुले ३६ अर्ब ६ करोड रुपैयाँ मुनाफा कमाएका छन्। गत वर्ष माघसम्म वाणिज्य बैंकहरुको नाफा ३५ अर्ब ४९ करोड थियो।

२० वटा बैंकमध्ये ९ वटाको नाफा बढेको छ। बाँकी ११ बैंकको नाफा घटेको छ।

नेपाल बैंकको नाफा सबैभन्दा धेरै १५६.३१ प्रतिशतले वृद्धि भएको छ। धेरै नाफा गर्नेमा नबिल बैंक छ। नबिलले ४ अर्ब ११ करोड रुपैयाँ नाफा गरेको छ।

यतिबेला एनआइसी एसिया, राष्ट्रिय वाणिज्य, स्टान्डर्ड चाटर्ड, हिमालयन, माछापुच्छ्रे, कुमारी, सिद्धार्थ, कृषि विकास बैंक, सिटिजन्स र सानिमा बैंकको नाफा खुम्चिएको छ।

एनआइसी एसिया बैंकको नाफा सबैभन्दा धेरै ७८.३१ प्रतिशतले खुम्चिएको छ। माघ मसान्तसम्म बैंकले ४६ करोड ४७ लाख नाफा गरेको छ। पोहोर यसै अवधिमा बैंकले २ अर्ब १४ करोड नाफा गरेको थियो।

कुन बैंकको नाफा कति ?