सोल्टी होटलको नाफा १४.६८ प्रतिशतले वृद्धि, ६ महिनामा कमायो ३० करोड १७ लाख

काठमाडौं। सोल्टी होटलले चालु आर्थिक वर्ष ६ महिनामा ३० करोड १७ लाख रुपैयाँ नाफा कमाएको छ। कम्पनीले ६ महिनामा आर्जन गरेको मुनाफा पोहोर पुससम्मको तुलनामा १४.६८ प्रतिशत बढी हो।

होटलले गत वर्ष पुसम्म २६ करोड ३१ लाख रुपैयाँ मुनाफा कमाएको थियो। कम्पनीको आम्दानी १६.०६ प्रतिशतले बढेको छ। वित्तीय लागत २५.२८ प्रतिशतले घटेको छ।

आम्दानी बढ्दा र वित्तीय लागत घट्दा मुनाफामा सुधार आएको हो।