सर्वोत्तम सिमेन्टको व्यापार बढ्दा नाफामा छलाङ, ६ महिनामा २४.१४ करोड आर्जन

काठमाडौं। सर्वोत्तम सिमेन्टले चालु आर्थिक वर्ष पुससम्म २४ करोड १४ लाख रुपैयाँ खुद नाफा कमाएको छ। यस वर्ष दोस्रो त्रैमासम्म कम्पनीले आर्जन गरेको मुनाफा पोहोर सोही अवधिको तुलनामा २१ करोड रुपैयाँ बढी हो।

कम्पनीले गत वर्ष ६ महिनामा ३ करोड ५ लाख रुपैयाँ नाफा कमाएको थियो। व्यापार बढेसँगै खुद नाफामा सुधार आएको हो।

पोहोर ६ महिनासम्म २ अर्ब ९२ करोड रुपैयाँको व्यापार गरेकामा यस वर्ष ३ अर्ब ९८ करोड रुपैयाँ सिमेन्ट बिक्री वापत आम्दानी गरेको छ।