स्वरोजगार लघुवित्तको खुद नाफा १२४.६१ प्रतिशतले बढ्यो, प्रतिफल क्षमता कति?

काठमाडौं। स्वरोजगार लघुवित्तले नाफा बढाएको छ। चालु आर्थिक वर्षको दोस्रो त्रैमाससम्ममा लघुवित्तको नाफा १२४.६१ प्रतिशतले बढेको हो।

पुस मसान्तसम्म लघुवित्तले ८ करोड ८० लाख १ हजार खुद नाफा गरेको छ। पोहोर ६ महिनामा लघुवित्तको नाफा ३ करोड ९१ लाख ७८ हजार रुपैयाँ थियो।

ब्याज आम्दानीसहित संचालन आम्दानी बढाउदा लघुवित्तको नाफा बढेको हो। साथै, लघुवित्त खराब कर्जा घटाउन सफल भएको छ। पोहोर ६ महिनामा ५.८९ प्रतिशत रहेको खराब कर्जा घटेर अहिले ५.०४ प्रतिशतमा झरेको छ।

खराब कर्जा वापत छुट्याउने प्रोभिजनिङ भने बढेको छ। पुस मसान्तसम्म लघुवित्तले ३ करोड ४६ लाख रुपैयाँ प्रोभिजनिङ गरेको छ। पोहोर ६ महिनामा लघुवित्तले २ करोड ८७ लाख प्रोभिजनिङ गरेको थियो।

लघुवित्तको ब्याज आम्दानी ६५.२१ प्रतिशतले बढेर २७ करोड ५१ लाख पुगेको छ। लघुवित्तको प्रति सेयर आम्दानी ३६.२३ रुपैयाँ र नेटवर्थ १६४ रुपैयाँ पुगेको छ।

पुस मसान्तसम्म लघुवित्तको वितरणयोग्य नाफा १६ करोड २१ लाख रुपैयाँ पुगेको छ।