नेपाल टेलिकमले टुजी सेवा यो वर्षभित्र बन्द गर्ने, ई-सिम अब एप र वेबसाइटबाटै

काठमाडौं। नेपाल टेलिकमले टुजी सेवा बन्द गर्ने भएको छ।

टेलिकमकी प्रबन्ध निर्देशक संगीता अर्याल पहाडीले मंगलबार कम्पनीको २१औं वार्षिकोत्सवका अवसमा १८०० मेगाहर्जको टुजी सेवा यो वर्ष बन्द गर्ने बताएकी हुन्।

उनले ई-सिम लिन टेलिकमको काउण्टर जानु नपर्ने पनि बताएकी छन्। उनका अनुसार टेलिकमको एप र वेबसाइटबाट ई-सिमको सेवा लिन सकिनेछ।

उनले वार्षिकोत्सवका अवसरमा ग्राहकले अब ई-सिमका लागि काउण्टरमा धाउनुनपर्ने बताएकी हुन्।

टेलिकमसँग अहिले भ्वाइस सेवा लिने ग्राहकको संख्या २ करोड १२ लाख ४२ हजार छ। मंसिर मसान्तसम्म जीएसएम मोबाइल सेवातर्फ २ करोड ७ लाख ७४ हजार, पीएसटीएन सेवातर्फ ८७ हजार तथा एफटीटीएच भ्वाइस सेवातर्फ ३ लाख ८० हजार ग्राहक रहेको प्रबन्ध निर्देशक पहाडीले जानकारी दिइन्।

भ्वाइस सेवातर्फ टेलिकमको बजार हिस्सा ५०.४४ प्रतिशत छ।