मोदी इनर्जी ३ करोड ३५ लाख नोक्सानीमा, प्रति सेयर आम्दानी २.३२ रुपैयाँ ऋणात्मक

काठमाडौं। चालु आर्थिक वर्ष ६ महिनामा मोदी इनर्जी ३ करोड ३५ लाख रुपैयाँ नोक्सानीमा गएको छ। कम्पनीले गत वर्ष दोस्रो त्रैमासको तुलनामा भने नोक्सानी घटाएको छ।

पोहोर पुसम्म मोदी इनर्जी १९ करोड ८६ लाख रुपैयाँ घाटामा थियो। विद्युत बिक्रीबाट आम्दानी बढेपछि कम्पनी नोक्सानी घटाउन सफल भएको हो। ६ महिनामा कम्पनीले २८ करोड रुपैयाँको विद्युत बिक्री गरेको छ। यो रकम पोहोर ६ महिनाको तुलनामा ६१.४३ प्रतिशत धेरै हो।

कम्पनीको प्रति सेयर आम्दानी २.३२ रुपैयाँ ऋणात्मक छ। प्रति सेयर नेटवर्थ ६३ रुपैयाँ छ।

मोदी इनर्जीको दोस्रो त्रैमासको वित्तीय अवस्था