एलआइसीले ४.९२ लाख कित्ता हकप्रद सेयर लिलामी बढाबढमार्फत बिक्री गर्दै

काठमाडौं। लाइफ इन्स्योरेन्स कर्पोरेसन नेपालले लिलाम बढाबढ प्रक्रियामार्फत हकप्रद सेयर बिक्री गर्ने भएको छ। कम्पनीले माघ २१ गतेदेखि अवितरित हकप्रद सेयर लिलाम बिक्री गर्ने भएको हो।

इन्स्योरेन्सले १ बराबर ०.८८ अनुपातमा हकप्रद सेयर निष्कासन गरेकोमा बिक्री नभएपछि लिलामीमा ल्याउन लागेको जनाएको छ। कम्पनीले सर्वसाधारण समूहको ४ लाख ९२ हजार ५७७ कित्ता सेयर लिलाम बिक्री गर्न लागेको हो।

सेयर खरिदका लागि इच्छुक लगानीकर्ताले न्यूनतम १०० कित्ताका लागि आवेदन दिन सक्ने कम्पनीले जनाएको छ।

फागुन ५ गतेसम्म बोलपत्र पेस गर्न सकिनेछ। सेयरको न्यूनतम मूल्य प्रति कित्ता १०० रुपैयाँ तोकिएको छ। इन्स्योरेन्सको धितोपत्र निष्कासन तथा बिक्री प्रबन्धक नेपाल एसबिआई मर्चेण्ट बैंकिङ लिमिटेड हो।