सुनको मूल्य उकालो लाग्यो, प्रति तोला १६०० रुपैयाँ वृद्धि, चाँदी पनि महँगियो

काठमाडौं। साताको पहिलो दिन सुनको मूल्य तोलामा १६०० रुपैयाँ बढेको छ। नेपाल सुनचाँदी व्यवसायी महासंघका अनुसार सुनको मूल्य आइतबार प्रति तोला १ लाख ५५ हजार ७ सय रुपैयाँ पुगेको छ।

शुक्रवार सुन तोलामा ८०० रुपैयाँ बढेर प्रति तोला १ लाख ५४ हजार १०० रुपैयाँमा कारोबार भएको थियो।

चाँदीको मूल्य प्रति तोला एक हजार ८६० रुपैयाँ पुगेको छ। अघिल्लो दिनभन्दा चाँदी तोलामा १५ रुपैयाँ महँगिएको हो।

शुक्रबार चाँदीको मूल्य तोलामा ५ रुपैयाँ बढेको थियो।

अन्तर्राष्ट्रिय बजारमा आइतबार सुनको मूल्य बढेर प्रति औंस २६८९.३४ डलर छ र चाँदीको भाउ प्रति औंस ३०.४१ डलर पुगेको छ। शुक्रबार सुनको मूल्य प्रति औंस २६७४.८ र चाँदीको मूल्य प्रति औंस ३०.२६ डलर थियो।