सेयर बजारमा झिनो सुधार, नेप्से ५.३२ अंकले बढ्दा ४ अर्ब ८६ करोडको कारोबार

काठमाडौं। सेयर बजारमा झिनो सुधार भएको छ। नेप्से परिसूचक आइतबार ५.३२ अंकले बढेर २५९१.५६ विन्दुमा पुगेको छ।

कारोबारमा आएका बैंकिङ, फाइनान्स, उत्पादन तथा प्रशोधन, माइक्रो फाइनान्स र म्युचुअल फण्ड बाहेकका उपसमूहले बजार बढाएका हुन्। हाइड्रोपावर उपसमूहकको सूचक सबैभन्दा धेरै १.६७ प्रतिशतले उकालो लागेको छ।

कारोबारमा आएका १४१ कम्पनीको सेयर मूल्य बढेको छ। ३ कम्पनीको सेयर मूल्यमा सकारात्मक सर्किट लागेको छ। उपकार लघुवित्त, दोर्दी खोला जलविद्युत कम्पनी र ग्रिन भेन्चर्सका लगानीकर्ताले सर्वाधिक कमाएका हुन्।

९४ कम्पनीका लगानीकर्ताले गुमाएका छन्। नारायणी डेभलपमेन्ट बैंकको सेयर मूल्य सर्वाधिक ८.८८ प्रतिशतले घटेको छ।

बजारमा ४ अर्ब ८६ करोड रुपैयाँको सेयर किनबेच हुँदा जानकी फाइनान्सको सर्वाधिक १९ करोड ९ लाख रुपैयाँको सेयर कारोबार भएको छ।

त्यस्तै, रिभर फल्सको १७ करोड ३६ लाख, रसुवागढी हाइड्रोपावरको १२ करोड ९० लाख, एनआरएन इन्फ्रास्ट्रक्चरको १२ करोड ७९ लाख र नेपाल फाइनान्सको ११ करोड ४९ लाख रुपैयाँको सेयर कारोबार भएको छ।