सुनचाँदीको मूल्य बढ्यो, सुन तोलामा एक हजार बढ्दा चाँदीमा २५ रुपैयाँ वृद्धि

काठमाडौं। साताका दुई दिन घटेको सुनचाँदीको मूल्य पुनः बढेको छ। सोमबार तोलामा १ हजार २ सय रुपैयाँले घटेको सुन मंगलबार १ हजार रुपैयाँ बढेको छ। कारोबार मूल्य प्रति तोला १ लाख ५० हजार ३ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।

सोमबार तोलाको १ लाख ४९ हजार ३ सय रुपैयाँ थियो भने आइतबार १ लाख ५० हजार ५ सय थियो।

मंगलबार चाँदी २५ रुपैयाँ बढेर प्रति तोला १ हजार ८ सय ४५ रुपैयाँ भएको छ। सोमबार २५ रुपैयाँ घटेर प्रति तोला १ हजार ८ सय १५ रुपैयाँ थियो।

अन्तर्राष्ट्रिय बजारमा मंगलबार सुन प्रति औंस २६३७.८४ डलरले कारोबार भइरहेको छ। चाँदी प्रतिऔंस ३०.५३ डलर छ।

सोमबार सुन प्रति औंस २६२७.३ डलर र चाँदी ३०.१६ डलरमा कारोबार भएको थियो।