हरिपुरबाट ३४० किलो गाँजा बरामद, प्रहरीले रोक्न खोज्दा ट्रक छाडेर ड्राइभर फरार

काठमाडौं । सुनसरीको कोसी गाउँपालिका-७ हरिपुरबाट प्रहरीले ३४० किलोग्राम गाँजासहित एक ट्रक नियन्त्रणमा लिएको छ

गोप्य सूचनाको अधारमा जिल्ला प्रहरी कार्यालय सुनसरीबाट गएकोे टोलीले जाँच गर्दा शनिबार सो परिमाणको गाँजासहित ट्रक नियन्त्रणमा लिइएको हो।

प्रहरी उपरीक्षक राजाराम तिम्सिनाका अनुसार पूर्वबाट पश्चिमतर्फ जाँदै गरेको प्रदेश १–०२–००२ ख ०४१४ नं को ट्रकबाट गाँजा भेटिएको हो। त्यसक्रममा ट्रक रोक्न खोज्दा चालक ट्रक छोडेर भागेका थिए।

यस विषयमा थप अनुशन्धान भइरहेको प्रहरीले जनाएको छ।