अधिकांश बैंकले घटाए निक्षेपको ब्याज : ९ वटाको स्थिर, कुन बैंकको कति ?

काठमाडौं। अधिकांश वाणिज्य बैंकहरूले निक्षेपको ब्याजदर घटाएका छन्। २०८१ भदौको तुलनामा असोज १ गतेदेखि लागू हुने ब्याजदर घटेको हो।

आर्थिक गतिविधि बढ्न नसकेर कर्जाको माग नभएपछि गत वर्षको असाजदेखि नै बैंकहरूले निक्षेपको ब्याजदर घटाउँदै आइरहेका छन्।

असोज १ गतेदेखि लागू हुने गरी सार्वजनिक गरिएको ब्याजदर अनुसार संचालनमा रहेका २० मध्ये ९ बैंकले घटाएका छन्। दुई बैंकले बढाएका छन्। ९ वटा बैंकको ब्याजदर भने स्थिर छ।

माछापुच्छ्रे, प्रभु, ग्लोबल आइएमई, नेपाल इन्भेष्टमेन्ट मेगा, सिद्धार्थ, स्ट्यान्डर्ड चाटर्ड, लक्ष्मी सनराइज, सिटिजन्स् र हिमालयन बैंकले निक्षेपको ब्याजदर स्थिर राखेका हुन्।

नेपाल बैंक र कृषि विकास बैंकले निक्षेपको ब्याजदर बढाएका छन्।

नबिल, एभरेष्ट, राष्ट्रिय वाणिज्य, एनआइसी एसिया, एनएमबि, सानिमा र नेपाल एसबिआइ बैंकले निक्षेपको ब्याजदर घटाएका छन्।

असोजमा मुद्दती निक्षेप सबैभन्दा बढी ब्याजदर एनआईसी एसिया र कम सानिमा बैंकले दिइरहेका छन्। एनआईसी एसियाले मुद्दती निक्षेप अधिकतम ७.१८ प्रतिशत ब्याजदर कायम गरेको छ। सानिमा बैंकले ५.९० प्रतिशत ब्याजदर कायम गरेको छ।