२२ कम्पनीको १९ अर्ब ४० करोडको हकप्रद सेयर पाइपलाइनमा, कुनले कतिको ल्याउँदै छन् ?

काठमाडौं। हकप्रद सेयर निष्कासनका लागि करिब दुई दर्जन कम्पनीले दिएको निवेदन पेन्डिङमा बसेको छ। नेपाल धितोपत्र बोर्ड (सेबोन) का अनुसार ८ महिनादेखि सार्वजनिक निष्कासनको स्वीकृति अघि बढ्न नसक्दा हकप्रद सेयर निष्कासनका लागि परेका आवेदन पेन्डिङमा रहेका हुन्।

सेबोनका अनुसार २२ कम्पनीको १९ करोड ४० लाख २५ हजार २३० कित्ता हकप्रद सेयर पाइपलाइनमा छ। कम्पनीहरुले १९ अर्ब ४० करोड २५ लाख २३ हजार रुपैयाँको हकप्रद सेयर निष्कासन गर्न निवेदन दिएका हुन्।

हकप्रद सेयर निष्कासनका लागि आवेदन दिनेमा ८ वटा इन्स्योरेन्स र १४ वटा हाइड्रोपावर कम्पनी छन्।

गत पुस अन्तिम सातादेखि कार्यकारी अध्यक्षको पद रिक्त रहेकाले सेबोनले सार्वजनिक निष्कासन स्वीकृतिको प्रक्रिया अघि बढाएको छैन।

लाइफ इन्स्योरेन्स कर्पाेरेसनले २ अर्ब ३४ करोड ६८ लाख रुपैयाँको हकप्रद सेयर निष्कासन गर्न चाहेको छ। उसले सेबोनमा निवेदन दिएको गत असोजमा नै हो।