आयल निगमले घटायो पेट्रोल, डिजेल र मट्टितेलको भाउ, नयाँ मूल्य कुनको कति?

काठमाडौं। नेपाल आयल निगमले पेट्रोलियम पदार्थको मूल्य समायोजन गरेको छ। निगम सञ्चालक समितिको निर्णयअनुसार पेट्रोल प्रति लिटर ७ र डिजेल र मट्टितेलमा प्रति लिटर ५ रुपैयाँले मूल्य घटाइएको छ।

इन्डियन आयल कर्पोरेसनबाट मूल्य घटेर आएकाले समायोजन गरिएको निगमले जनाएको छ।

समायोजित मूल्य अनुसार पेट्रोल अब पहिलो वर्गमा प्रति लिटर १६८ रुपैयाँ ५० पैसा, दोस्रोमा १७० र तेस्रोमा १७१ रुपैयाँमा कारोबार हुनेछ।

यस्तै, डिजेल र मट्टितेल पहिलो वर्गमा १५१ रुपैयाँ ५० पैसा, दोस्रोमा १५३ र तेस्रोमा १५४ रुपैयाँ प्रति लिटरमा कारोबार हुनेछ।