सिउरी न्यादी पावरले निष्कासन गर्ने सेयरको प्रत्याभूति नागरिक लगानी कोषले गर्ने

काठमाडौंं। नागरिक लगानी कोष र सिउरी न्यादी पावर लिमिटेडबीच सेयर प्रत्याभूति सम्झौता भएको छ।

सिउरी न्यादीले निष्कासन गर्न लागेको सेयरको प्रत्याभूति कोषले गर्ने सम्झौता भएको हो। सम्झौतामा कोषका कार्यकारी निर्देशक पर्वत कुमार कार्की र न्यादी पावरका अध्यक्ष शैलेन्द्र गुरागाइँले बिहिबार हस्ताक्षर गरे।

न्यादी पावरले प्रति किता १०० रुपैयाँको दरले ३ करोड ३ लाख ६० हजार ७८४ कित्ता सेयर निष्कासन गर्दै छ। उक्त सेयरको ३ अर्ब ३ करोड ६० लाख ७८ हजार ४०० रुपैयाँ बराबरको सेयर प्रत्याभूति कोषले गर्ने भएको हो।