एमएडब्लु इन्टरप्राइजेजले थाल्यो नाडा अटो शोमा बुकिङ भएका सेरेस मिनी इभीको डेलिभरि

काठमाडौं। सेरेस गाडीको नेपालका लागि आधिकारिक बिक्रेता एमएडब्लु इन्टरप्राइजेजले सेरेस मिनी इभीको डेलिभरि सुरु गरेको छ।

कम्पनीले नाडा अटो शोमा बुकिङ गरिएका सेरेस मिनी इभीको डेलिभरि बुधबार सुरु गरेको हो। नाडा अटो शोमा यो गाडी १०० भन्दा बढीको संख्यामा बुकिङ भएको थियो।

सेरेस मिनी इभी तीन भेरियन्टमा उपलब्ध छन्। जसको मूल्य १३ लाख ९९ हजार, १६ लाख ४९ हजार र १७ लाख ९९ हजार छ।

सेरेस मिनी इभी सहरी क्षेत्रको आवश्यकतालाई ध्यानमा राखी बनाइएको कम्पनीले जनाएको छ।