BIZMANDU
www.bizmandu.com

कम शो दिएको भन्दै ‘दिमाग खराब’को प्रदर्शन रोक्ने घोषणा, सेयर बाँडफाँटविरुद्ध पनि प्रतिवाद

२०८० कात्तिक २९

कम शो दिएको भन्दै ‘दिमाग खराब’को प्रदर्शन रोक्ने घोषणा, सेयर बाँडफाँटविरुद्ध पनि प्रतिवाद
कम शो दिएको भन्दै ‘दिमाग खराब’को प्रदर्शन रोक्ने घोषणा, सेयर बाँडफाँटविरुद्ध पनि प्रतिवाद


काठमाडौं । नेपाली हलहरुले कम शो दिएको भन्दै प्रदर्शनरत् फिल्म ‘दिमाग खराब’को प्रदर्शन रोक्ने निर्णय गरिएको छ। सिनेमा आर्ट प्रा लि र ब्ल्याक हर्स पिक्चर्स प्रा लिले एक विज्ञप्ति जारी गर्दै प्रदर्शन रोक्ने घोषणा गरेका हुन्।

Tata
GBIME
Nepal Life

चलचित्र प्रदर्शकबाट सधैं अन्यायपूर्ण व्यवहार खेप्दै आएको भन्दै निर्देशक निश्चल बस्नेत र निर्माता रौनक बिक्रम कडेलले संयुक्त विज्ञप्ति मार्फत नेपालमा चलचित्र प्रदर्शन रोक्ने निर्णय गरेको जानकारी दिएका हुन्।

विदेशी फिल्मलाई धेरै शो र नेपाली फिल्मलाई कम शो दिएको भन्दै उनीहरुले आफूहरुले समान व्यवहार खोजेको बताएका छन्। यस्तै, विदेशी र नेपाली चलचित्रलाई बराबर शो नदिएसम्म र फिल्म प्रदर्शन भइरहेसम्म बराबरी सेयर बाँडफाँट नभएसम्म फिल्मको प्रदर्शन रोक्ने उनीहरुले बताएका हुन्।

समान व्यवहार भए फिल्म हलमै देखाउने नभए अन्य माध्यमबाट सिनेमा प्रदर्शन गर्ने चेतावनी पनि उनीहरुले दिएका छन्।