BIZMANDU
www.bizmandu.com

चरम मन्दीले लक्ष्मी ग्रुपको सिद्धिलक्ष्मी स्टिलको व्यापारमा धक्का, कारोबार २.१० अर्बले घट्यो

२०८० असोज १०

चरम मन्दीले लक्ष्मी ग्रुपको सिद्धिलक्ष्मी स्टिलको व्यापारमा धक्का, कारोबार २.१० अर्बले घट्यो
चरम मन्दीले लक्ष्मी ग्रुपको सिद्धिलक्ष्मी स्टिलको व्यापारमा धक्का, कारोबार २.१० अर्बले घट्यो


काठमाडौं। लक्ष्मी ग्रुपको सिद्धिलक्ष्मी स्टिलको व्यापारमा धक्का लागेको छ। निर्माण सामग्री उद्योगमा गहिरिएको मन्दीका कारण कम्पनीको व्यापार एकै वर्ष २ अर्ब १० करोड रुपैयाँले घटेको छ।

Tata
GBIME
Nepal Life

रेटिङ एजेन्सी इक्रा नेपालका अनुसार कम्पनीले सन् २०२२/२३ मा १ अर्ब ९७ करोड ३६ लाख रुपैयाँको व्यापार (अपरिष्कृत) गरेको छ। अघिल्लो वर्ष २०२१/२२ मा कम्पनीले ४ अर्ब रुपैयाँको व्यापार गरेको थियो। २०२०/२१ मा ३ अर्ब ६३ करोड रुपैयाँ र २०१९/२० मा १ अर्ब २५ करोड रुपैयाँको व्यापार कम्पनीले गरेको थियो।

कम्पनीले समृद्धि स्टिलको ब्राण्डबाट डन्डी बिक्री गर्छ। उद्योगको वार्षिक उत्पादन क्षमता २ लाख टन छ। प्लान्ट नवलपरासीमा छ।

उद्योगमा लक्ष्मी होल्डिङ प्रालिमार्फत गणेशबहादुर श्रेष्ठ र उनका तीन छोराहरु अञ्जन श्रेष्ठ, निराकार श्रेष्ठ र निरञ्जन श्रेष्ठले लगानी गरेका छन्।

कम्पनीले ३ अर्ब १८ करोड रुपैयाँको बैंकिङ कर्जाका लागि रेटिङ गराएको छ।