३४ पृष्ठको राहदानी वितरण फेरि सुरु, चाहिनेले आजबाट आवेदन दिन पाउने

काठमाडौं। राहदानी विभागले आजदेखि ३४ पृष्ठको राहदानी वितरण फेरि सुरु गरेको छ। केही समय रोकिएको ३४ पृष्ठको राहदानी वितरण आजबाट सुरु भएको विभागले सूचना जारी गरी जनाएको हो।

असोज १ गतेबाट प्रि-इनरोल गर्ने सेवाग्राहीहरुले ३४ पृष्ठको राहदानी छनोट गरेर आवेदन दिन सक्ने विभागले जनाएको छ।

२०८० साल असार ३ गते विभागले ६६ पृष्ठको राहदानीको मूल्य ५ हजार रुपैयाँ कायम गरेको थियो। ३४ पृष्ठको राहदानीको अभाव हुँदा ६६ पृष्ठको राहदानीको मूल्य घटाइएको थियो। त्यसअघि ६६ पृष्ठको राहदानीको १० हजार रुपेयाँ थियो।