नक्कली नोटसहित मकवानपुरबाट तीनजना पक्राउ, भेटियो हजार दरका ९५ थान नोट

काठमाडौं। मकवानपुरमा नक्कली नोटसहित प्रहरीले तीन जनालाई पक्राउ गरेको छ।

हेटौंडा उपमहानगरपालिका-१५ चुरीयामाई मन्दिर नजिकबाट रौतहट कटहरीया नगरपालिका-६ बस्ने १९ वर्षीय धर्मेन्द्र महरा र सोही नगरपालिका-१ बस्ने २१ वर्षीय दीपेश दासलाई पक्राउ गरिएको हो।

प्रहरीले उनीहरूको साथबाट १ हजार दरका ९५ थान नक्कली नोट बरामद गरेको छ।

धर्मेन्द्र र दीपेशलाई नक्कली नोटसहित नियन्त्रणमा लिए पछि बयानको आधारमा प्रहरीले राक्सिराङ गाउँपालिका-२ बस्ने ४० वर्षीय विजय तामाङलाई समेत पक्राउ गरेको छ।

घटनाको थप अनुसन्धान भइरहेको प्रहरीले जानकारी दिएको छ।