बजाज डोमिनार २५० मा ४५ हजार रुपैयाँ घट्यो, इन्ट्री लेभलमा भने ४ हजारसम्म वृद्धि

काठमाडौं। बजाज डोमिनार २५० एबीएस बीएस-६ मोडलको मूल्य घटेको छ। बजाजका मोटरसाइकलको नेपालका लागि आधिकारिक बिक्रेता हंसराज हुलासचन्द एन्ड कम्पनीले डोमिनार २५० एबीएस बीएस-६ मोडलको बिक्री मूल्य घटाएको हो।

एचएच बजाजका असिस्टेन्ट जनरल म्यानेजर अमितराज चालिसेका अनुसार कम्पनीले डोमिनारको मूल्य ४५ हजार रुपैयाँले घटाएको छ। बजाजका अन्य इन्ट्री लेभल मोडलका बाइकहरुको मूल्य भने ४ हजार रुपैयाँसम्मले बढेको उनले बताए।

डोमिनार २५० एबीएस बीएस-६ को मूल्य पहिले ५ लाख ९४ हजार ९०० रुपैयाँ थियो, अब ५ लाख ४९ हजार ९०० रुपैयाँ कायम गरिएको उनले जानकारी दिए।

यस्तै डोमिनार ४०० मोडलको मूल्यमा भने कम्पनीले भने गत जुन १ मा नै ५० हजार १०० रुपैयाँ घटाएको थियो।

त्यसैगरी पल्सर सिरिजका केही मोडलमा २ हजारदेखि र ४ हजार रुपैयाँसम्मले मूल्य बढेका चालिसेले बताए। उनका अनुसार भदौ १ देखि लागु हुने गरी कम्पनीले नयाँ मूल्यसूची जारी गरेको हो।