एक वर्षमा १६ खर्ब ११ अर्ब रुपैयाँको आयात, अघिल्लो वर्षभन्दा १६ प्रतिशतले घट्यो

काठमाडौं। सरकारले गरेको कडाइसँगै आयात उच्च दरले घटेको छ। भन्सार विभागले सोमबार सार्वजनिक गरेको विवरण अनुसार गत आर्थिक वर्ष कुल आयात १६.०८ प्रतिशतले घटेको हो।

आयातभन्दा बढी निर्यात दर घटेको छ। निर्यात २१.४४ प्रतिशतले घटेको छ।

आर्थिक वर्ष २०७८/७९ मा कुल आयात १९ खर्ब २० अर्ब रुपैयाँको भएकोमा गत आर्थिक वर्ष २०७९/८० मा १६ खर्ब ११ अर्बमा झरेको छ।

२ खर्ब रुपैयाँ पुगेको निर्यात एक खर्ब ५७ अर्बमा आएको छ। कुल व्यापार घाटा साढे १५ प्रतिशतले घटेको छ।