शिवम् सिमेन्टले एसियन एथलेटिक्स च्याम्पियनसिपका सहभागीलाई स्पोन्सर गर्ने, थाइल्याण्डमा हुँदैछ खेल

काठमाडौं। एसियन एथलेटिक्स च्याम्पियनसिपमा सहभागी खेलाडीहरुलाई शिवम् सिमेन्टले प्रायोजन गर्ने भएको छ। यही असार २७ देखि साउन १ गतेसम्म थाइल्याण्डको पटायामा संचालन हुन लागको च्याम्पियनसिपको २५ औं संस्करण हो।

प्रायोजनका लागि नेपाल एथलेटिक्स एसोसिएशन र शिवम् सिमेन्टबीच सम्झौता भइसकेको छ। कम्पनीका अनुसार  एसोसिएसनका सचिव आरके विष्ट  र शिवम् सिमेन्टका सेल्स एण्ड मार्केटिङका भीपी निखिल अग्रवालले सम्झौतामा हस्ताक्षर गरे।

अन्तर्राष्ट्रिय खेलसँग समन्वय गर्न पाउदा खेलकुद क्षेत्रसँगै कम्पनीलाई समेत थप हौसला मिलेको अग्रवालले बताएका छन्।

नेपालबाट विभिन्न विधाहरुमा ७ जना खेलाडीले सहभागिता जनाउने छन्। आयुष कुँवर, शिवराज पारकी, फुलमती राना, राजपुरा पच्ची, मुकेशबहादुर पल, सोमबहादुर कुमाल र दीपक अधिकारी प्रतिस्पर्धी हुन्।  

एथलेटिक्समा सहभागी खेलाडीहरुले राष्ट्रिय तथा अन्तर्राष्ट्रिय खेल च्याम्पियनसिपहरुमा विभिन्न पदकहरु हासिल गरिसकेका छन्।

च्याम्पियनसिपमा एसियाका विभिन्न ३७ देशहरुबाट खेलाडीहरुले सहभागिता जनाउने बताइएको छ। प्रत्येक २ वर्षमा आयोजना हुने एसियन एथलेटिक्स अघिल्लो पटक चीनमा हुनुपर्ने थियो। कोभिड–१९ को कारण रद्द भएको थियो।