उद्योग संगठन मोरङमा सुरानाको अध्यक्षतामा १४ सदस्यीय कार्य समिति निर्विरोध

विराटनगर। उद्योग संगठन मोरङले राकेश सुरानाका अध्यक्षतामा १४ सदस्यीय कार्यसमितिको निर्विरोध चयन गरेको छ।

संगठनको ५० औँ साधारण सभाले पूर्व उपाध्यक्ष सुरानाका अध्यक्षतामा २ वर्षको कार्यकालका लागि कार्यसमितिको चयन गरेको हो।

संगठनको वरिष्ठ उपाध्यक्षमा नन्दकिशोर राठी चयन भए। त्यस्तै वित्तीय क्षेत्रको उपाध्यक्षमा राजकुमार गोल्छा, कृषि, ऊर्जा र जलस्रोत क्षेत्रको उपाध्यक्षमा भोलेश्वर दुलाल र रोजगारदाता तर्फको उपाध्यक्षमा विपिन काबरा चुनिए।

संगठनको कोषाध्यक्षमा सुबोध कोइराला निर्वाचित भए।

साधारण सभाले सन्तोषकुमार भगत, इन्द्र खत्री, सौरभ शारडा, सुरेन्द्रकुमार गोल्छा, पारस लुनियाँ, सृजन प्याकुरेल, दीपककुमार अग्रवाल र वीरेन्द्र राठीलाई सदस्यमा चयन गरेको छ।

विधानअनुसार उद्योग संगठनमा १७ सदस्यीय कार्यसमिति हुन्छ। बाँकी ३ सदस्य अध्यक्षले मनोनीत गर्ने व्यवस्था छ।