सहरी क्षेत्रको प्रसारणलाइन स्तरोन्नतिको परामर्शदाताका लागि पाँच जापानी कम्पनी सर्टलिष्टेड, लगानी पनि जापानकै

काठमाडौं। नेपाल विद्युत प्राधिकरणले सहरी ट्रान्समिसन तथा वितरण प्रणाली स्तरोन्नतिको परामर्शदाताका लागि निकालेको ठेक्कामा पाँच जापानी कम्पनी सर्टलिष्टेड भएका छन्।

प्राधिकरणले आयोजनाको विस्तृत अध्ययन, डिजाइन र निर्माणको सुपरिवेक्षणका लागि निकालेको ठेक्का आवेदन दिएकामध्ये पाँच जापानी कम्पनी सर्टलिष्टेड भएका हुन्।

सर्टलिष्टमा पर्ने कम्पनीहरुमा टोक्यो इलेक्ट्रिक पावर सर्भिसेज कम्पनी लिमिटेड, निप्पन कोर्ई कर्पोरेसन लिमिटेड, न्यु जेइसी आइएनइ, द चुगोकु इलेक्ट्रिक पावर कर्पोरेशन र याचिओ इन्जिनियरिङ कर्पोरेशन लिमिटेड छन्।

यो आयोजनाका लागि जापान अन्तर्राष्ट्रिय सहयोग नियोग (जाइका)ले आर्थिक सहयोग गरेको छ। प्राधिकरणले सहरी क्षेत्रसहित देशका विभिन्न स्थानको प्रसारणलाइन र वितरण प्रणाली स्तरोन्नति गर्न लागेको छ।

मुलुकको अधिकांश प्रसारण प्रणाली कमजोर खालको छ। सोही कारण प्रसारण र वितरणलाइनलाई प्राथमिकता दिएर निर्माण गर्न लागिएको छ।