जी-२० अर्थमन्त्रीहरुको सम्मेलनमा भाग लिन अर्थमन्त्री विष्णु पौडेल भारत प्रस्थान

काठमाडौं। उपप्रधान तथा अर्थमन्त्री विष्णुप्रसाद पौडल भारत प्रस्थान गरेका छन्। जी-२० का अर्थमन्त्रीहरुको सम्मेलनमा भाग लिन पौडेल भारत गएका हुन्।

जी-२० अर्थमन्त्रीहरुको सम्मेलन फागुन १२ र १३ गते भारतको बेंगलुरुमा हुँदै छ। सम्मेलनका अतिरिक्त अर्थमन्त्री पौडेलले भारतलगायत विभिन्न देशका समकक्षीहरुसँग छलफल गर्ने कार्यक्रम छ।

मन्त्री पौडेलसँगै मन्त्रालयका अन्तर्राष्ट्रिय आर्थिक सहायता समन्वय महाशाखा प्रमुख श्रीकृष्ण नेपाल पनि गएका छन्। नेपाल जी-२० को सदस्य नभए पनि भारतले अध्यक्षता लिएको बेला सम्मेलनमा भाग लिन निमन्त्रणा गरेको थियो।

जी-२० मा भारत, चीन, जापान, अमेरिका, बेलायत लगायतका राष्ट्रहरु छन्। पौडेल फागुन १३ गते नेपाल फर्किने कार्यक्रम छ।