www.bizmandu.com
ट्वीटरपछि फेसबुक र इन्स्टाग्राममा पनि ब्लु टिकमा शुल्क लिँदै, भेरिफिकेसनमा मासिक १२ डलर
काठमाडौं। इलन मस्कले ट्वीटर किनेर ब्लु टिक भेरिफिकेसनमा शुल्क लिन सुरु गरेको बाटोलाई अब फेसबुक र इन्स्टाग्रामले पनि पछ्याएका छन्।
इन्स्टाग्राम र फेसबुक प्रयोगकर्ताहरूले अब ब्लु टिक प्रमाणीकरणको लागि पैसा लाग्ने माउ कम्पनी मेटाले आइतबार घोषणा गरेको छ।
यसमा वेबमा प्रति महिना ११.९९ डलर र आईफोन प्रयोगकर्ताहरूको लागि १४.९९ डलर निर्धारण गरिएको छ। यो अष्ट्रेलिया र न्यूजील्याण्डमा यो हप्तादेखि सुरु हुने मेटाले जनाएको छ।
मेटाका प्रमुख कार्यकारी मार्क जुकरबर्गले यस कदमले सामाजिक सञ्जाल एपहरूमा सुरक्षा र प्रामाणिकतामा सुधार ल्याउने बताए।
ट्वीटरका मालिक मस्कले नोभेम्बर २०२२ मा प्रिमियम ट्वीटर ब्लु सदस्यता लागू गरेपछि यो व्यवस्था सुरु भएको हो।
मेटाको यो शुल्क सदस्यता सेवा अझै व्यवसायहरूको लागि उपलब्ध छैन। तर, कुनै पनि व्यक्तिले प्रमाणीकरणका लागि भुक्तान गर्न सक्छ।
कम्पनीले यस परिवर्तनले पहिले प्रमाणित खाताहरूलाई असर गर्दैन।
गत नोभेम्बरमा ट्वीटरको भुक्तानीका लागि प्रमाणीकरण सुविधा रोकिएको थियो। जब मानिसहरूले ब्याजको लागि भुक्तान गरेर ठूला ब्रान्डहरू र सेलिब्रेटीहरूको नक्कल गर्न थालेका थिए।
मेटाले इन्स्टाग्राम र फेसबुक प्रयोगकर्ताका नामहरू प्रमाणीकरण प्रदान गर्नको लागि सरकारले प्रदान गरेको आईडी कागजातसँग मिल्नुपर्ने बताएको छ। साथै प्रयोगकर्ताहरूसँग उनीहरूको अनुहार समावेश भएको प्रोफाइल तस्वीर हुनुपर्छ।
मेटाले अझै यो सुविधा कहिले अन्य देशहरूमा लागु हुन्छ भन्ने कुरा निश्चित गरेको छैन्। तर जुकरबर्गले चाँडै अन्य देशहरुमा पनि लागु हुने बताएका छन्।
यो प्रायः फेसबुक, इन्स्टाग्राम र टिकटक जस्ता विशाल फ्री-टु-प्रयोग डिजिटल प्लेटफर्महरू हुन।