ङादी ग्रुप पावरको लाभांश दर ह्वात्तै घट्यो, सेयरधनीलाई ५% दिने प्रस्ताव

काठमाडौं। ङादी ग्रुप पावरको लाभांश दर ह्वात्तै घटेको छ। पोहोर २१.०५ प्रतिशत लाभांश दिएको ङादी ग्रुप पावरले गत आवका लागि भने ५ प्रतिशत मात्र लाभांश प्रस्ताव गरेको हो।

प्रस्तावित लाभांशमध्ये संचालक समितिले ४.७५ प्रतिशत बोनस सेयर दिने निर्णय गरेको छ। बाँकी कर प्रयोजनका लागि नगद हो।

बोनस वितरणपछि कम्पनीको चुक्ता पुँजी ८ करोड ३९ लाख रुपैयाँले बढ्नेछ। अहिले चुक्ता पुँजी एक अर्ब ७६ करोड ७३ लाख रुपैयाँ छ।

लाभांश विद्युत नियमन आयोग र कम्पनीको साधारण सभाले पारित गरेपछि मात्र सेयरधनीले पाउनेछन्।