काठमाडौं। माउन्टेन इनर्जी नेपालले पुस ८ गते साधारण सभा डाकेको छ। सभाबाट कम्पनीले लाभांशको मुख्य प्रस्ताव पारित गर्दैछ।
सभा बिहान १० बजेपछि आम्रपाली बैङक्वेटमा हुने कम्पनीले जनाएको छ। वार्षिक प्रतिवेदन, वासलात, नाफा नोक्सान र लेखापरीक्षक नियुक्ति बारे सभामा छलफल हुनेछ।
सामान्य प्रस्ताव बाहेक लाभांश अनुमोदन सभाको प्रमुख एजेन्डा हो। कम्पनीले गत आर्थिक वर्षका लागि १०.५३ प्रतिशत नगद दिने प्रस्ताव अघि सारेको छ।
साधारण सभा र लाभांश प्रयोजनका लागि कम्पनीले मंसिर २७ गते बुक क्लोज गर्दैछ। मंसिर २६ गतेसम्म कायम सेयरधनीले मात्र प्रस्तावित लाभांश पाउन र सभामा भाग लिन पाउनेछन्।