विद्युत प्राधिकरणमा एमडीसँगै फेरिए प्रवक्ता, राजाभाइ शिल्पकारलाई दिइयो जिम्मेवारी

काठमाडौं। नेपाल विद्युत प्राधिकरणमा कार्यकारी निर्देशक फेरिएसँगै प्रवक्ताको जिम्मेवारी पनि हेरफेर भएको छ। कार्यकारी निर्देशक हितेन्द्रदेव शाक्यले प्रवक्ता परिवर्तन गरेका हुन्।

उनले चन्दनकुमार घोषको ठाउँमा कार्यकारी निर्देशकको सचिवालय प्रमुखका रुपमा कार्यरत राजाभाइ शिल्पकारलाई प्रवक्ताको जिम्मेवारी दिएका छन्।

शिल्पकार सिभिल इन्जिनियर हुन्। उनलाई ११औं तहमा बढुवा भएपछि डेढ वर्षअघि यसअघिका कार्यकारी निर्देशक कुलमान घिसिङले तनहुँ हाइड्रोपावरबाट आफ्नो सचिवालय प्रमुख बनाएका थिए।