लगातार ६ दिन वृद्धिपछि घट्यो नेप्से, फाइनान्समा पहिरो, ८ अर्ब ३७ करोडको सेयर किनबेच

काठमाडौं। लगातार ६ दिनको वृद्धिपछि सेयर बजारमा गिरावट आएको छ। सेयर बजार परिसूचक सोमबार २२.३५ अंकले घटेको छ।

६ दिनमा १११ अंकले बढेको नेप्से सोमबार होटल र म्युचुअल फण्ड बाहेकका उपसमूहले २६८४ विन्दुमा झारेका हुन्। फाइनान्स उपसमूहमा पहिरो गएको छ। यो उपसमूहको सूचक ३.७६ प्रतिशतले ओरालो लागेको छ।

बजारमा ८ अर्ब ३७ करोड ७३ लाख रुपैयाँको सेयर किनबेच भएको छ। नेपाल पुनर्बीमाको सबैभन्दा धेरै ८० करोड ७० लाख रुपैयाँको सेयर किनबेच भएको छ।