५ अर्बको ऋणपत्र जारी गर्दै सिभिल बैंक, वार्षिक ११ प्रतिशत ब्याज, पाँच वर्षमै लगानी फिर्ता

काठमाडौं। सिभिल बैंक लिमिटेडले पाँच अर्ब रुपैयाँको ऋणपत्र जारी गर्ने भएको छ। बैंकले ‘सिभिल बैंक ऋणपत्र २०८४’ जारीका लागि माग गर्दै असार १६ मा आवेदन दिएको नेपाल धितोपत्र बोर्डले जनाएको छ। 

वार्षिक ११ प्रतिशत ब्याज प्राप्त हुने यो ऋणपत्रमा गरेको लगानी पाँच वर्षमै फिर्ता हुनेछ। 

 बोर्डबाट निष्कासन अनुमति पाएपछि बैंकले उक्त रकमबराबरको ५० लाख कित्ता ऋणपत्र जारी गर्नेछ। 

त्यसमध्ये ३० लाख कित्ता ऋणपत्र व्यक्ति तथा संस्थाहरुलाई सोझै बिक्री गरिनेछ। बाँकी २० लाख कित्ता सर्वसाधारणका लागि छुट्याइएको छ। 

ऋणपत्रको निष्कासन तथा बिक्री प्रबन्धकमा ग्लोबल आईएमई क्यापिटल लिमिटेड रहेको छ।