BIZMANDU
www.bizmandu.com

राप्ती हाइड्रो एण्ड जनरल कन्स्ट्रक्सनले जेठ २४ देखि आइपीओ बिक्री गर्दै, कसले भर्न पाउँछन्?

२०७९ जेठ १३

काठमाडौं। राप्ती हाइड्रो एण्ड जनरल कन्स्ट्रक्सनले जेठ २४ गतेदेखि आइपीओ बिक्री गर्ने भएको छ। कम्पनीले आयोजना प्रभावित क्षेत्रका सर्वसाधरणलाई आइपीओ बिक्री गर्नेछ।

Tata
GBIME
Nepal Life

कम्पनीले जारी पुँजीको १० प्रतिशतले हुन आउने ६ लाख १२ हजार ७९३ कित्ता आइपीओ आयोजना प्रभावित क्षेत्रका बासिन्दालाई पहिलो चरणमा बिक्री गर्ने भएको हो। कम्पनीको जारी पुँजी ६१ करोड २७ लाख ९३ हजार ८ सय रुपैयाँ छ। जसमध्ये ६ करोड १२ लाख ७९ हजार ३८० रुपैयाँ बराबरको आइपीओ निष्कासन गर्ने जनाएको छ। 

कम्पनीले पहिलो चरणमा आयोजना प्रभावित क्षेत्र रुकुम पूर्व र रुकुम पश्चिम जिल्लाका बासिन्दाका लागि आइपीओ निष्कासन गर्दै छ। प्रभावित क्षेत्रका बासिन्दाले छिटोमा आगामी असार ७ गतेसम्म आइपीओमा आवेदन दिन सक्नेछन। 

सो अवधिमा पनि पर्याप्त आवेदन नआए आवेदन आवधि असर २२ गतेसम्मलाई लम्ब्याइनेछ। हाल कम्पनीले रुकुम गाड जलविद्युत आयोजना निर्माण गर्ने क्रममा छ। आयोजनाको जडित क्षमता ५ मेगावाट हुनेछ। 

कम्पनीले बोर्डबाट २९ करोड ४१ लाख ४१ हजार रुपैयाँ बराबरको २९ लाख ४१ हजार ४१० कित्ता आइपीओ जारी गर्ने अनुमति पाएको हो।