काठमाडौं। स्थानीय प्रशासनले कोरोना संक्रमण बढेको भन्दै कडाई गर्ने निर्णय गरेपछि क्यान इन्फोटेक दोस्रोपटक स्थगित भएको छ।
क्यान इन्फोटेकको २७ औं संस्करण आगामी माघ १८ देखि २३ गतेसम्म काठमाडौंको भृकुटीमण्डपमा हुने तयारी भइरहेको थियो।
तर, जिल्ला प्रशासन कार्यालयसहित कोभिड नियन्त्रण सम्बन्धी सरकारका पछिल्ला निर्णयहरुलाई ध्यानमा राख्दै क्यान इन्फोटेक मेला अर्को निर्णय नभएसम्मका लागि स्थगित गरिएको छ।
यसअघि गत वैशाखमा क्यान इन्फोटेकको २७ औं संस्करण गर्ने तयारी क्यान महासंघको थियो। त्यसबेलामा पनि कोरोना संक्रमणकै कारण मेला स्थगित हुन पुगेको थियो।