हवाई इन्धनको मूल्य बढेपछि वृद्धि भयो फ्युल सरचार्ज, नयाँ भाडादर चाँडै निर्धारण हुने

काठमाडौं। छोटो समय (१० दिनमै) हवाई इन्धनको मूल्य वृद्धि भएपछि विभीन्न उडान गन्तब्यमा फ्युल सरचार्ज वृद्धि भएको छ। पछिल्लो समय एयर टर्बाइन फ्युलमा लिटरको पाँच रुपैयाँ बढाएपछि सरचार्ज वृद्धि भएको हो।

संघले फ्युल सरचार्जको नयाँ विवरण नागरिक उड्डयन प्राधिकरणलाई पठाइसकेको जनाएको छ। प्राधिकरणले निश्चित गरेलगत्तै यो सरचार्ज भोलि (शनिबार) बाटै लागू हुने संघले जनाएको छ।

'आयल निगमबाट नयाँ मूल्य आएसँगै ४८ घण्टा भित्र नयाँ सरचार्ज निकालिएको हुन्छ।इन्धनको मूल्य घटे पनि बढे पनि स्वचालित रुपमा फ्युल सरचार्ज निर्धारण हुँदै आएको छ। हामीले प्राधिकरणमा पठाइसकेका छौँ। प्राधिकरणबाट अनुमोदन भएलगत्तै नयाँ सरचार्ज अनुसार भाडादर निर्धारण हुनेछ।' संघका एक कर्मचारीले भने।

वायुसेवा कम्पनीको छाता संगठन एयरलाइन्स ओपरेटर एशोसिएसन नेपालले तयार पारेको विवरण अनुसार काठमाडौं-नेपालगञ्ज तर्फ उडानको फ्युल सर्चार्ज अधिकतम वृद्धि भएको पाइएको छ। संघले फ्युल सरचार्जको नयाँ विवरण नागरिक उड्डयन प्राधिकरणलाई पठाइसकेको जनाएको छ। प्राधिकरणले निश्चित गरेलगत्तै यो सरचार्ज भोलि (शनिबार) बाटै लागू हुने संघले जनाएको छ।

यस अघि गत नोभेम्बर २ तारिखमा निर्धारण भएको इन्धन मूल्यका आधारमा यो गन्तब्यको फ्युल सरचार्ज तीन हजार एक सय ३० रुपैयाँ कायम भएको थियो। तर बुधबार पुनः इन्धनको मूल्य वृद्धि भएसँगै यो गन्तब्य उडानका लागि फ्युल सरचार्ज तीन हजार दुई सय ९० रुपैयाँ कायम हुने भएको छ।

गत अक्टोबर ३० तारिख अगाडि प्रति लिटर ८६ रुपैयाँ रहेको हवाई इन्धनको मूल्य १० रुपैयाँले वृद्धि भइ ९६ रुपैयाँ कायम गरिएको थियो। आयल निगमले यसको ठिक १० दिनपछि (नोभेम्बर १० तारिख) मा पाँच रुपैयाँ वृद्धि गरी लिटरको एक सय एक रुपैयाँ कायम गरेको हो।

बुद्ध, यती, श्री, सौर्य, गुण लगायत वायुसेवा कम्पनीले ट्रंक रुटतर्फका विभीन्न गन्तब्यमा नियमीत उडान गर्दै आएका छन् भने सिता, तारा, समिट लगायत विभीन्न वायुसेवा कम्पनीले स्टल रुटतर्फ नियमीत उडान गर्दै आएका छन्।

यस्तो छ १० दिनको अन्तरालमा गन्तब्य अनुसार वृद्धि भएको फ्युल सरचार्ज