एनआइबीएल प्रगति फण्डले ५० प्रतिशत नगद लाभांश दिने, प्रति इकाइ मूल्य १८.८३ रुपैयाँ

काठमाडौं। एनआइबीएल प्रगति फण्डले गत वर्षको नाफाबाट ५० प्रतिशत लाभांश दिने भएको छ। 

कम्पनीको बिहीबार बसेको सञ्चालक समितिको बैठकले गत आर्थिक वर्षको लेखा परीक्षण पारित गर्दै लाभांश प्रस्ताव गरेको हो।

कम्पनीले लाभांशबापत ३७ करोड ५० लाख रुपैयाँ वितरण गर्नेछ। प्रगति फण्ड एनआइबीएल म्युचुअल फण्ड अन्तर्गत एनआइबीएल एस क्यापिटल योजना व्यवस्थापक रहेर सञ्चालित स्किम हो।

पछिल्लो वित्तीय विवरण अनुसार, यसको प्रति इकाइ खुद सम्पत्तिको मूल्य १८.८३ रुपैयाँ छ।