काठमाडौं। लक्ष्मी बैंकले युरोकप 'प्रेडिक्ट एण्ड विन' अफर ल्याएको छ। युरो कपको स्कोर अनुमान गरी पुरस्कार जित्ने योजना ल्याएको हो।
बैंकले एफ–वान सफ्टसँग सहकार्य गरी क्याम्पेन ल्याएको हो । यो क्याम्पेनमा युरो कप २०२१ सुरुभएको दिन जुन ११ देखी सुरुभई अन्तिम दिन जुलाई ११ सम्म जारी रहनेछ ।
यस क्याम्पेनमा ५ जना भाग्यशाली विजेताहरुले ५० एमबीपीएसको १ वर्ष अवधिको ईन्टरनेट सेवा निःशुल्क पाउन सक्नेछन् । यो क्याम्पेनमा भाग लिन लक्ष्मी बैंकका ग्राहकहरुले मोबाईल मनी सेवा सुचारु गरेको हुनुपर्छ ।
अन्तर बैंक नगद ट्रान्स्फरबाट नगद ट्रान्सफर गर्दा प्रोमो कोड राख्ने ठाउँमा आफुले अनुमान गरेको युरो कप विजेता देशको नाम राख्नुपर्नेछ । यति गरेपछी नै यस क्याम्पेनमा सहभागी हुन सकिनेछ ।
क्यम्पेनको अवधिपछि युरो कप विजेता देशको सही अनुमान गर्ने ग्राहकहरु मध्येबाट लक्की ड्र मार्फत ५ जनालाई विजेता घोषणा गरिनेछ ।