बजार खुलेको आधा घण्टामै सर्किट, ५३ अंकको पहिरो, २३ मिनेटमा २२ करोडको सेयर किनबेच

काठमाडौं। बिहीबार सेयर बजार खुलेको आधा घण्टा नहुँदै घट्दो क्रममा सर्किट लागेको छ। सुरुवाती ३ मिनेटसम्म उकालो लागेको कारोबार त्यसपछि लगातार घट्दै गएपछि ११ बजेर २३ मिनेटमै सर्किट लागेको हो।

मंगलबार र बुधबार भने बजारमा बढ्दो क्रममा सर्किट लागेको थियो। बिहीबार एक समय १३६२ अंकसम्म उक्लेको बजार २० मिनेटभित्र १२८३ अंकमा झरेको छ।

२३ मिनेटभित्र २२ करोड रुपैयाँको सेयर किनबेच भएको छ। १ घण्टाभित्र ४ प्रतिशत तलमाथि हुँदा पहिलो सर्किट लाग्ने व्यवस्था छ। अब बजार ११ बजेर ४३ मिनेटमा खुल्ने छ।