BIZMANDU
www.bizmandu.com

बिओकेको ऋण दूरुपयोग अभियोगमा थप ६ जना पक्राउ, यसरी ठगी गरेका थिए साढे चार करोड

२०७६ कात्तिक २१

बिओकेको ऋण दूरुपयोग अभियोगमा थप ६ जना पक्राउ, यसरी ठगी गरेका थिए साढे चार करोड
बिओकेको ऋण दूरुपयोग अभियोगमा थप ६ जना पक्राउ, यसरी ठगी गरेका थिए साढे चार करोड



बनियानी। बैंक अफ काठमाण्डू (बिओके) को ऋण दूरुपयोग गरेको आरोपमा प्रहरीले थप ६ जनालाई पक्राउ गरेको छ। नक्कली कागजात तयार गरी चार करोड ६० लाख रुपैयाँ ठगी गरेको आरोपमा प्रहरीले छ जनालाई पक्राउ गरेको हो। 

Tata
GBIME
Nepal Life

यो ऋण दूरुपयोग आरोमा बिओकेका पूर्व प्रमुख कार्यकारी अधिकृत अजय श्रेष्ठलगायत पक्राउ परिसकेका छन्। अजयलाई अदालतले पुर्वपक्षका लागि थुनामा समेत पठाइसकेको छ। केही भने जमानतमा रिहा भएका छन्।

राजमार्गसँग जोडिएको जग्गा देखाएर खोलाको बगर धितो राखी ठगी गरेको आरोपमा उनीहरुलाई प्रहरीले पक्राउ गरेको हो।

नक्कली कागजात बनाएर काठमाडौँ ३१ का सुरेन्द्र श्रेष्ठले सञ्चालन गरेको स्वर्णिम एण्ड श्रीजन कम्पनीको लागि बैंकबाट चार करोड ६० लाख कर्जा निकालिएको जिल्ला प्रहरी कार्यालय झापाका प्रवक्ता महेन्द्रकुमार श्रेष्ठले जानकारी दिए।

पक्राउ पर्नेमा सुनसरी इटहरीका एभरेष्ट कन्सल्टेन्सीका इञ्जिनियर भेषराज खत्री, मोरङ बेलबारी–३ का इञ्जिनियर कर्ण चामलिङ, मकवानपुर हेटौँडा–४ घर भई काठमाडौँ ३१ नयाँ बानेश्वरमा बस्दै आएका सुरेन्द्र श्रेष्ठ, काठमाडौँ–३ महराजगञ्ज चक्रपथका भुपेन्द्र श्रेष्ठ, चितवन भण्डारा–९ घर भई हाल काठमाडौँ नयाँ बानेश्वरमा बस्दै आएका ऋषिश्वर थपलिया, उदयपुर गाईघाट घर बताउने हाल काठमाडौँ–७ चाबहिलमा बस्दै आएका कृष्ण कार्की रहेका छन्।

“बैंकिङ कसुर र सरकारी छाप कीर्ते गरी नक्कली कागजात तयार गरेको अरोपमा उनीहरुलाई पक्राउ गरिएको हो”, प्रवक्ता श्रेष्ठले भने, “राजमार्गसँगै जोडिएको जग्गाको नक्कली नक्सा बनाएर खोलाको बगर धितो राखेको पाइयो।”

उनीहरुले झापा कनकाई–९ स्थित कित्ता नं ३५९६ को ०–२–१० बिघा र कित्ता नं ३२७१ को ०–२–० बिघाको जग्गाको कीर्ते नक्सा तयार गरी खोला बगरको जग्गालाई राजमार्गमा जोडिएको जग्गा देखाएर ठगी गरेको उनले बताए।

उनीहरुविरुद्ध गत असोज ६ गते जिल्ला प्रहरी कार्यालय झापामा मुद्दा दर्ता भएको थियो। पक्राउ परेका उनीहरुमाथि थप अनुसन्धान भइरहेको प्रहरीले जनाएको छ।