उद्योग विभागले २५ दिनपछि महानिर्देशक पायो, जीवनप्रकाश सिटौंला बने महानिर्देशक

काठमाडौं। उद्योग विभागको महानिर्देशकमा जीवनप्रकाश सिटौंला आएका छन्। उद्योग मन्त्रालयले सिटौंलालाई विभागको महानिर्देशक बनाएर पठाएको हो। विभाग गत भदौं १७ गतेदेखि रिक्त थियो।

वैदेशिक लगानी र उद्योग सम्बन्धी विषय विभागले हेर्ने भएकोले महानिर्देशक महत्वपूर्ण पदको रुपमा लिने गरिन्छ। सिटौलाले बुधबारबाटै कार्यभार सम्हालिसकेका छन्।

 सिटौला यसअघि सम्पत्ति शुद्धिकरण विभाग र प्रदेश १ को अर्थमन्त्रालयमा काम गरिसकेका छन्। यसअघि महानिर्देशकमा विनोदप्रकाश सिंह थिए। उनी प्रदेश तीनमा सरुवा भएपछि महानिर्देशक पद खाली थियो।