अबदेखि बैंकले बार्षिक प्रतिवेदनमा कर्मचारी तालिमदेखि सिएसआर कोषको रकमसम्म खुलाउनु पर्ने

काठमाडौं। नेपाल फाइनान्सियल रिपोर्टिङ स्ट्यान्डर्ड (एनएफआरएस) कार्यान्वयनमा आएपछि बार्षिक प्रतिवेदनमा शेयरधनीको विवरण दिन छाडेका बैंकहरुले अब भने अनिवार्ण विवरण दिनु पर्ने भएको छ।

राष्ट्र बैंकले ०.५ प्रतिशतभन्दा माथि शेयर हुनेहरुको विवरण प्रकाशित गर्न निर्देशन दिएको छ।

राष्ट्र बैंकले कर्मचारीको तालिममा भएको खर्चदेखि पत्रपत्रिकामा गएको पैसा पनि खुलाउन निर्देशन दिएको छ। निर्देशनपछि बैंक तथा वित्तीय संस्थाले तालिका बनाएर नै विवरणहरु खुलाउनु पर्ने छ।

बिल्डिङ, यातायात साधन, बीमा, विज्ञापन, चन्दा, सुरक्षा खर्चदेखि मनोरञ्जन खर्च पनि देखाउनु पर्ने भएको छ। 

सामाजिक उत्तरदायित्व कोष, कर्मचारी तालिम कोष, विदेशी बिनियम उतारचढाव कोषको रकम पनि खुलाउनु पर्ने छ।