कुमारी बैंकको संस्थागत सामाजिक उत्तरदायित्व बहन, ‘नयाँ समाज नेपाल’का बालबालिकालाई सहयोग

काठमाडौं। कुमारी बैंकले संस्थागत सामाजिक उत्तरदायित्व अन्तर्गत नयाँ वानेश्वरस्थित “नयाँ समाज नेपाल” नामक एक परोपकारी संस्थालाई वित्तीय सहयोग प्रदान गरेको छ ।

उक्त संस्था न्यून आयश्रोत तथा एकल अभिभावक परिवारका बालबालिकाहरुको आधारभूत आवश्यकता परिपूर्तिका लागी कार्यरत छ ।

उक्त संस्थाको हेरचाहमा रहेका सबै बालबालिकाहरुलाई बैंकले लत्ताकपडा तथा खाद्यान्न सामग्री उपलब्ध गराएको छ ।

बैंकका चिफ डिपोजिट मार्केटिङ राजेश श्रेष्ठ र बैंकको कर्मचारी युनियनका अध्यक्ष शिव पाठकले नयाँ समाज नेपालका अध्यक्ष कृष्णराज गुरुङलाई सहयोग सामग्री हस्तान्तरण गरे।

बैंकले स्वास्थ्य, शिक्षा, सम्पदा र वातावरण लगायत समाजका विविध क्षेत्रहरुमा आफ्नो संस्थागत सामाजिक उत्तरदायित्व वहन गरिरहेको जनाएको छ।

बैंकले आफ्ना देशव्यापी ८७ शाखा सञ्जाल, ८३ एटिम र २ एक्सटेन्सन काउन्टरबाट आधुनिक बैंकिङ सुविधा प्रदान गर्दै आएको बिज्ञप्तीमा उल्लेख छ ।