बालाजु वितरण केन्द्रबाट सोमबार दिनभर विद्युत आपूर्ति बन्द हुने

काठमाडौं। बालाजु वितरण केन्द्रबाट विद्युत आपूर्ति हुने क्षेत्रमा सोमबार दिनभर विद्युत आपूर्ति बन्द हुने भएको छ। 

बालाजु वितरण केन्द्र अन्तर्गत बालाजु-धर्मस्थली फिडरमा पुरानो गुहेश्वरी, फुलबारी गेट, मुड्खु,बतासे डाँडा, धितालचोक, तिनपिप्ले, जरंखु, नेपालटार, मनमैजु, फुटुङ, जितपुर र छत्रदेउराली सम्म बिहान ८ बजेदेखि दिउँसो ३ बजे सम्म विद्युत आपूर्ति बन्द गरिने छ।

त्यसैगरि बालाजु-नागार्जुन फिडरमा एमटिसि पर्खाल, जनजागृती,रोटरी क्लव, टौडोल, शितलास्कुल, रानीवन, बुद्धचोक,राधाकृष्ण हुँदै एकलटार सम्म पनि बिहान ८ बजेदेखि दिउँसो ३ बजे सम्म आवश्यक्ता अनुसार विद्युत कटौती गरिने छ।

बनस्थली चोकदेखि बालाजु प्रहरी चौकीसम्म सडक विस्तारको काम भइरहेकोले विद्युत आपूर्ति बन्द गर्नुपरेको नेपाल विद्युत प्राधिकरणले जनाएको छ।