काठमाडौं।एनसेलले ‘रिचार्ज एण्ड विन’ अफर अन्तर्गत पहिलो हप्ताका विजेताहरुलाई नगद पुरस्कार हस्तान्तरण गरेको छ ।‘रिचार्ज एण्ड विन’ १० हप्ता सम्ममा संचालनमा रहने अफर हो । पहिलो हप्ताका विजेताहरु मंगलबार टेलिभिजनमा प्रत्यक्ष प्रशारण मार्फत छानिएका हुन् ।
१० भाग्यशाली विजेता ग्राहकहरु मध्ये दुई जनाले विहिबार जनही नगद एक लाख पुरस्कार पाएका छन् । तीन अन्य विजेताहरुले आफ्नो पुरस्कार अर्को हप्ता लिने कम्पनीले जनाएको छ।
एनसेलका सेक्युरिटी तथा जनरल सर्भिसेज् निर्देशक महेन्द्रकुमार भट्टचनले काठमाडौंमा आयोजित एक कार्यक्रम माझ दुई विजयीहरु झापाका जाकिर हुसैन र नुवाकोटका हरि श्रेष्ठलाई बिहिबार जनही रु एक लाख नगद पुरस्कार प्रदान गरेका हुन् ।
यो अफर गत भदौ १७ गतेबाट संचालनमा रहेको छ । कम्पनीका अनुसार यो योजनामा साप्ताहिक सय भन्दा वा सो भन्दा बढी रिचार्ज गर्ने सबै प्रिपेड तथा पोस्टपेड ग्राहकले आकर्षक नगद पुरस्कार जित्ने अवसर प्राप्त गर्न सक्छन् । यो योजना साप्ताहिक चक्रमा संचालन भईरहेको छ।कम्पनीका अनुसार यसको शुरुवात आइतबार हुन्छ भने समापन शनिबार हुन्छ।
