काठमाडौं । व्याज दरको असर बाणिज्य बैंकहरुको निक्षेपमा परेको छ । वाणिज्य बैंकहरुले निक्षेपको ब्याज घटाउन थालेपछि त्यहाँको निक्षेप विकास बैंक र फाइनान्स कम्पनीमा सरेको छ । राष्ट्र बैंकले सार्वजनिक गरेको वित्तीय विवरण अनुसार, वाणिज्य बैंकको निक्षेप एक महिनामा जम्मा ०.२ प्रतिशतले वढेको छ । तर विकास बैंक र फाइनान्सको निक्षेप वृद्धि दर भने १.१ प्रतिशत छ । ब्याज दर महँगो भएका बेला वाणिज्य बैंकको निक्षेप वढ्ने गरेको थियो । फाइनान्स कम्पनीहरुको त घट्दै गएको थियो
साउनमा बैंक तथा वित्तीय संस्थाको निक्षेप ३ अर्ब ९८ करोड रुपैयाँले वढेको छ । ऋण लगानीको वृद्धि दरमा पनि वाणिज्य बैंकलाई विकास बैंकले जितेको छ । साउनमा वाणिज्य बैंकहरुले ऋण लगानी जम्मा ०.१ प्रतिशतले वढाएका छन् । तर विकास बैंकको यस्तो वृद्धि १.४ प्रतिशतको छ । फाइनान्स कम्पनीहरुले भने ऋण लगानी ०.१ प्रतिशतले घटाएका छन् ।
साउन बैंक तथा वित्तीय संस्थाको ऋण लगानी छ अर्ब ६७ करोड रुपैयाँले वढेको छ । साउनमा बैंक तथा वित्तीय संस्थाहरूबाट निजी क्षेत्रमा प्रवाहित कर्जामध्ये औद्योगिक उत्पादन क्षेत्रतर्फ दुई अर्ब २४ करोडले कर्जा वढेको छ । अघिल्लो वर्ष यो कर्जा ५० करोडले घटेको थियो । कृषि क्षेत्रतर्फको कर्जा २५ करोडले बढेको तुलनामा अहिले एक अर्ब ७९ करोडले बढेको छ । निर्माण क्षेत्रतर्फको कर्जा २४ करोडले बढेको छ । थोक तथा खुद्रा व्यापारतर्फको कर्जा एक अर्ब ५९ करोडले र यातायात, सञ्चार तथा सार्वजनिक सेवा क्षेत्रतर्फको कर्जा २६ करोडले घटेको छ ।
वसन्त खड्का/बिजमान्डू
काठमाडौं । दसैं तिहारमा स्वदेश तथा विदेश घुम्न जानेहरुलाई लक्षित गर्दै विभिन्न ट्राभल एजेन्सीले छुटसहित आर्कषक भ्रमण प्याकेज ल्याएका छन् । कम्पनीहरुले थाइल्याण्ड, मलेसिया, सिंगापुर दुबई तथा युरोप लगायतका देशमा भ्रमणका आर्कषक प्याकेज ल्याएका हुन् ।
पछिल्लो समयमा नेपालीहरु विदेश भ्रमण गर्ने क्रम बढेपछि कम्पनीहरुले छुटसहितको आर्कषक योजना ल्याएका हुन् । दसैंतिहारमा लामो समयको सार्वजनिक विदा हुने भएकोले यो उपयुक्त समय मानिन्छ । पछिल्लो समयमा नेपालीहरुले आम्दानीको केही रकम घुमफिरमा खर्च गर्न थालेका छन् । नेपालीको यही चाहनालाई हेरेर केही कम्पनीले स्वदेश र विदेश घुम्नका लागि प्योकज तयार गरेका छन् ।
दशै तिहार घुमघाम प्याकेज अन्तर्गत इन्टाएर ट्राभल एण्ड टुरले मलेसिया र सिंगापुर भ्रमणको लागि ६ रात/सात दिनको एक लाख पाँच हजार पाँच सय ८९ रुपैयाको प्याकेज ल्याएको छ । योजना अन्र्तगत तीन तारे होटलमा खाने बस्ने र खाजा सुविधा जोडिएको छ ।
इन्टाएर ट्राभलको अफर
प्याकेज | कति दिन | मुल्य | सुविधा |
मलेसिया ,सिंगापुर | छ रात सात दिन | १०,५५८९ | तीन तारे होटलमा खाजा खाना र बस्ने सुविधा |
थाइल्याण्ड | चार रात पाँच दिन | ५४,९०० | तीन तारे होटलमा बस्ने सुविधा |
दुबई | छ रात सात दिन | ७९,१२३ | ती तारे होटलमा बस्ने सुविधा |
दुबई | छ रात सात दिन | ९१,०५२ | तिन तारे होटलमा खाजा खाना र बस्ने सुविधा |
कम्पनीले दुबईको लागि ६ रात/सात दिनको लागि तीन तारे होटलमा खाने वस्ने व्यवस्था सहितको ९१ हजार पचास रुपैयाको प्याकेज सुविधा छ । दुबईकै लागि ६ रात/सात दिनको तीन तारे होटलमा बस्ने व्यवस्था सहितको ७९ हजार एक सय २३ रुपैयाको अर्का प्याकेज ल्याएको छ । कम्पनीले थाइल्याण्डको लागि चार रात पाँच दिनको लागि ५४ हजार नौ सय रुपैयाँको प्याकेजको व्यवस्था गरेको छ ।
एस ट्राभल्सले पनि दशै तिहार विदेश भ्रमण प्याकेज
एस ट्राभल्सको दशै तिहार विदेश भ्रमण प्याकेज
प्याकेज | कति दिन | मूल्य | थप सुविधा |
थाइल्याण्ड | चार रात पाँच दिन | ५३,७०० | पोखरा फ्रि |
मलेसिया र सिंगापुर | पाँच रात छ दिन | ८८७०० | चितवन फ्रि |
थाइल्याण्ड, मलेसिया र सिंगापुर | नौ रात दश दिन | १२७,७०० | पोखरा, चितवन फ्रि |
दुबई | तीन रात चार दिन | ५९,७०० | नगरकोट फ्रि |
युरोपका चार देश | सात रात आठ दिन | २७७,७०० | पोखरा, चितवन र लुम्विनी फ्रि |
अन्तर्गत विदेशमा भ्रमण गर्न जानेहरुलाई उपहार स्वरुप नेपालका प्रमुख पर्यटकीय स्थलमा निशुल्क घुम्न जाने व्यवस्था गरेको छ । थाइल्याण्ड घुम्न जानेका लागि चार रात पाँच दिनको ५३ हजार सात सय रुपैया लाग्छ भने दुइ रात तीन दिनको लागि एजेन्सीले निशुल्क रुपमा पोखरा भ्रमण गराउने जनाएको छ ।
एजेन्सीले मलेसिया र सिंगापुर लागि पाँच रात/छ दिन को ८८ हजार सात सय रुपैयाँ लाग्ने एजेन्सीले जनाएको छ । यो प्याकेजमा दुई रात तीन दिनको चितवन भ्रमण निशुल्क पाइनेछ । थाइल्याण्ड ,मलेसिया र सिंगापुर एकै पल्ट भ्रमण गर्दा एक लाख २७ हजार सात सय रुपैयाँ खर्च लाग्ने छ भने चार रात पाँच दिन बरावरको पोखरा र चितवन भ्रमण निशुल्क गर्न सकिने छ ।
दुबईको लागि तीन रात/चार दिनको ५९ हजार सात सयको प्याकेज रहेको छ जस अन्तर्गत एक रात/दुई दिनको नगरकोट भ्रमण निशुल्क पाइनेछ । युरोपका चार ओटा देशको भ्रमणका लागि ट्राभल्सले सात रात आठ दिनको लागि दुई लाख ७७ हजार सात सय रुपैयाको प्याकेज ल्याएको छ ।
युरोप भ्रमण गर्नेले उपहार स्वरुप पाँच रात/छ दिनको पोखरा ,चितवन र लुम्बिनी भ्रमण निशुल्क गर्न पाउने कम्पनीले जनाएको छ । कम्पनीले दसैंतिहारमा विदेश घुम्न जानेहरुलाइ फ्री भिसा, तीन तारे होटलमा बस्ने व्यवस्था तथा विदेशका मुख्य मुख्य स्थानमा घुमाउने व्यवस्था गरेको जनाएको छ ।
अरिहन्तको अफर
प्याकेज | कति दिन | मुल्य |
कस्मिर | छ रात सात दिन | ७३,००० |
मलेसिया ,सिंगापुर ,थाइल्याण्ड | नौ रात दश दिन | १२१,००० |
श्रीलंका ,माल्दिभ्स | आठ रात नौ दिन | १५१,००० |
मलेसिया ,वाली ,सिंगापुर | नौ रात दश दिन | १६७,००० |
मौरिसस् | छ रात सात दिन | १४५,००० |
यस्तै अरिहन्त होलिडेजले भारतको सिमलाको लागि ६ रात सात दिनको ७३ हजारको भ्रमण प्याकेज ल्याएको छ । मलेसिया , सिंगापुर र थाइल्याण्डको लागि नौ रात÷दश दिनको एक लाख २१ हजार रुपैयाको प्याकेज ल्याएको छ । यो प्याकेज अन्तर्गत ६ रात/सात दिनसम्म बैंकक वा कम्वोडियामा पनि घुम्न सकिने कम्पनीले जनाएको छ । कम्पनीले श्रीलंका र माल्दिभ्स लागि आठ रात/नौ दिनको एक लाख ५१ हजार तथा मलेसिया, वाली र सिंगापुरको लागि एक लाख ६७ हजार रुपैयाको भ्रमण प्याकेज ल्याएको छ ।