सञ्चय कोषका बचतकर्ताले घर बनाउन एक करोडसम्म ऋण पाउने, डेकोरेसन गर्न पनि २५ लाख

कोषले भुकम्प तथा अन्य कारणले क्षति पुगेका घर मर्मत संभार, कम्पाउन्ड वाल निर्माण तथा आन्तरिक सजावटका लागि समेत ऋण दिने स्किम ल्याएको छ । यसको ब्याज दर ८.२५ प्रतिशत छ । यस्तो कर्जा पाँच बर्षको तलव वरावर वा वढीमा २५ लाख रुपैयाँसम्म पाइने छ ।
 
भुकम्प प्रभावित सञ्चयकर्ताले भने सवा सात प्रतिशत ब्याजमै यस्तो कर्जा पाउने छन् । भुकम्प प्रभावितहरुले पनि मर्मत संभार र सवलीकरणका लागि यस्तो कर्जा उपयोग गर्न पाउने आचार्यले जानकारी दिए ।
 
मासिक रुपमा ठूलो रकम जम्मा हुने र बैंकमा पनि निक्षेपको ब्याज दर घटिरहेका बेला कोषले भुकम्प पीडित सञ्चयकर्तासमेतलाई समेटेर कर्जा स्किम ल्याएको हो । अहिले बैंकले संस्थागत निक्षेपकर्तालाई बढिमा साढे पाँच प्रतिशतसम्म ब्याज दिन्छ ।
 
नेपाल राष्ट्र बैंकले संस्थागत निक्षेपकर्ताको बचत कुल निक्षेपको ५० प्रतिशतभन्दा वढि राख्न नपाइने ब्यवस्था गरेपछि थप ब्याज दर घट्ने छ । यसबाट सञ्चय कोषजस्ता संस्थागत निक्षेपकर्ताको आम्दानी थप घट्ने देखिन्छ । त्यही भएर पनि सञ्चय कोषले रणनीतिक हिसावले कर्जा सीमा बढाउँदै भुकम्प पीडित सञ्चयकर्तालाई समेत समेटेको हो ।