BIZMANDU
www.bizmandu.com

दु्रतमार्ग निर्माणका नयाँ आशा, सरकारले बुट मोडलमा बनाउन माग्यो इच्छापत्र

२०६९ असार २८

दु्रतमार्ग निर्माणका नयाँ आशा, सरकारले बुट मोडलमा बनाउन माग्यो इच्छापत्र
दु्रतमार्ग निर्माणका नयाँ आशा, सरकारले बुट मोडलमा बनाउन माग्यो इच्छापत्र


काठमाडौं । सरकारले काठमाडौं–तराई दु्रत मार्ग निर्माणका लागि निर्माण–सञ्चालन–हस्तान्त्रण (बुट) प्रणालीमा इच्छा प्रस्ताव माग गरेको छ । काठमाडौंबाट निजगढ हुँदै पथलैयासम्म पुग्ने यो दु्रत मार्ग ९४ किलोमिटर लामो हुनेछ । भौतिक योजना तथा निर्माण मन्त्रालयले काठमाडौंदेखि–निजगढसम्म ७६ किलोमिटर द्रुत मार्ग र निजगढदेखि पथलैयासम्मको १८ किलोमिटर सडक निर्माणका लागि इच्चापत्र मागेको हो ।
सरकारले गरेको एक अध्ययनअनुसार यो परियोजना निर्माणका लागि ४६ अर्बदेखि ७१ अर्ब रुपैयाँ लाग्ने मोटामोटी अनुमान गरेको छ । सन् २०१० को अध्ययन अनुसार दुई लेन सडक ४६ अर्बमा बन्छ भने चार लेनको सडक बनाउन ७१ अर्ब लाग्छ ।
परियोजनाका लागि आवश्यक पर्ने ६० प्रतिशत जग्गा अधिग्रहण भैसकेको र परियोजनाका लागि ट्रयाक खोल्ने काम पनि ६० प्रतिशत नै सकिएको जानकारी दिएको छ । दु्रत मार्गका लागि काठमाडौंदेखि हेटौडासम्मको ट्रयाक खोल्ने काम नेपाली सेनाले गरिरहेको छ । यो आर्थिक वर्ष भित्र ट्रयाक खोलिसक्ने बताइए पनि जग्गा अधिग्रहण लगायतका कामले यो पूरा हुन सकेको छैन ।
दु्रत मार्गका लागि एक किलोमिटर ३ सय मिटर लामो एउटा सुरुङ बनाउनुपर्ने, ४० देखि एक सय पाँच मिटर उचाईका १६ वटा पुल बनाउनुपर्ने प्रस्तावमा छ । सडक बनेपछि काठमाडौं आउँदा हेटौडामा र हेटौडा जाँदा काठमाडौंमा सडक दस्तुर तिर्ने व्यवस्थाका लागि सिफारिश गरेको छ । सरकारले यो सकडमा ट्याक्सीका लागि आठ सय रुपैयाँ र ठूलो बस÷ट्रकका लागि १८ सय रुपैयाँ लिन सिफारिश गरेको छ ।
सन् २०१६ मा परियोजना सकिए, त्यतिवेला यो सडकका लागि दैनिक चार हजार ६०० देखि पाँच हजार तीन सयसम्म ठूला सवारीसाधरण गुड्ने अनुमान गरेको छ । त्यसैगरी सन् २०३६ सम्म १५ हजार ३०० देखि १७ हजार तीन सयकोवीचमा हुने अनुमान पनि अध्ययनले देखाएको छ ।
अहिलेको वर्तमान प्रक्षेपण अनुसार दु्रतमार्गमा ६३ प्रतिशत ट्रक, २६ प्रतिशत हल्का सवारीसाधन र ११ प्रतिशत बस गुड्नेछन् । सरकारले निजगढमा अन्तराष्ट्रिय विमानस्थल बनाउने तयारी गरिरहेको छ । यो अवस्थामा दु्रतमार्गको सवारी आवागमन योभन्दा धेरै हुनेछ ।

Tata
GBIME
Nepal Life

यस्तो छ परियोजनाको प्रस्ताव तलको लिंकमा क्लिक गर्नुहोस्
http://www.moppw.gov.np/pdf/Project_Brief.pdf