जापानमा १२ नेपाली ट्रेनी कामदारको माग, मासिक तलव एक लाख ४२ हजार

काठमाडौं । नाप इन्टरनेशनलले जापानमा कामदारको माग ल्याएको छ । कम्पनीले ‘कन्स्ट्रक्सन टे«नी’मा १२ जना कामदारको माग ल्याएको हो । सरकारले जिट्को अन्तर्गत प्रशिक्षार्थी कामदार पठाउन पाउने प्रावधान अनुसार कम्पनीले कामदारको माग ल्याएको हो । यो कामका लागि जानेले मासिक १ लाख ४२ भत्ता पाउनेछन् ।  सरकारले तीन वर्ष अघि म्यानपावर कम्पनीलाई समेत जापानमा प्रशिक्षार्थी कामदार पठाउन खुल्ला गरेको थियो ।
जापान जान कामदारले पचास हजार रुपैयाँ तिर्नुपर्नेछ । जापान जान हवाई टिकटको व्यवस्था कम्पनीले गर्नेछ भने भिसा निशुल्क हुनेछ । यो कामका लागि जान औद्योगिक कलकारखाना, कृषि सहकारी, होटेल क्षेत्रमा कम्तीमा दुई वर्ष काम गरेको हुनुपर्छ । यो वाहेक जापानी भाषा र सम्वन्धको तालिम लिएको हुनुपर्छ ।