काठमाडौं। सुनको भाउ तोलामा तीनसय रुपैयाँले बढेको छ। पछिल्ला दुई दिनमा एक हजार रुपैयाँले सस्तो भएको सुनको भाउ विहीबार भने बढेको हो।
नेपाल सुनचाँदी व्यवसायी महासंघका अनुसार विहीबार सुन तोलाको ४८ हजार तीनसय रुपैयाँमा कारोबार भइरहेको छ। यसअघि बुधबार सुनको भाउ तोलाको ४८ हजार रुपैयाँ तोकिएको थियो।
सुनको भउ बढेपनि चाँदीको भाउ भने स्थिर छ। महासंघका अनुसार बुधबारजस्तै विहीबार पनि चाँदीको भाउ तोलाको ६ सय ७५ रुपैयाँ नै रहेको छ।